Twitter-მა ამერიკის შეერთებული შტატების პრეზიდენტის, დონალდ ტრამპის ანგარიში @realDonaldTrump სამუდამოდ დაბლოკა. ამის შესახებ ინფორმაციას Twitter ავრცელებს.
განცხადებაში ნათქვამია, რომ ტრამპის ტვიტების და მიმდინარე კონტექსტის განხილვის შემდეგ – კონკრეტულად როგორ ხდება მათი მიღება და ინტერპრეტაცია Twitter- ზე და მის გარეთ – ადმინისტრაციამ გადაწყვიტა, მუდმივად შეეჩერებინა ანგარიში ძალადობის შემდგომი წახალისების რისკის გამო.
ამავე განცხადებაში მოყვანილია ტრამპის 8 იანვრის 2 ტვიტი, სადაც ის ამბობს, რომ 75 მილიონ ადამიანს, ვინც მას ხმა მისცა, აქვს GIANT VOICE და მათ არ უნდა ეპყრობოდნენ უპატივცემულოდ ან უსამართლოდ. მოგვიანებით, ტრამპმა დატვიტა, რომ 20 იავარს ახალარჩეული პრეზიდენტის ინაუგურაციას არ დაესწრება.
Twitter-ის ადმინისტრაციამ მიიჩნია, რომ ეს განცხადებები, 6 იანვარს კაპიტოლიუმში განვითარებული მოვლენების გამო, აღქმული უნდა იყოს ფართო მოვლენების ჭრილში და იმ გზებად, რომლითაც ტრამპის ხელისუფლებას შეუძლია მობილიზება გაუწიოს განსხვავებულ საზოგადოებას, მათ შორის, ძალადობრივსაც, ასევე განიმარტება, როგორც კიდევ ერთი მინიშნება, რომ პრეზიდენტი ტრამპი არ გეგმავს ხელი შეუწყოს ძალაუფლების მოწესრიგებულად გადაცემას და შეიცავს მინიშნებებს, რომ საპრეზიდენტო არჩევნები არალეგიტიმურია.
ტვიტერის ადმინისტრაცია წერს, რომ ამ განცხადებების მათ წესებთან შესაბამისობის განხილვის შემდეგ დაადგინეს, რომ ეს ტვიტები არღვევს ძალადობის წინააღმდეგ მიმართულ პოლიტიკას და გადაწყდა, რომ დონალდ ტრამპის ექაუნთი სამუდამოდ უნდა შეჩერდეს.
