თბილისის ინფექციური სააადმყოფოს დირექტორი, თენგიზ ცერცვაძე თავისი ჯანმართელობის მდგომარეობს შესახებ ინფორმაციას ავრცელებს და საზოგადოებას ყურადღებისთვის მადლობას უხდის. გუშინ, 17 ნოემბერს მას და მის მეუღლეს, ანა თოფურიას, კორონავირუსი დაუდასტურდათ.
„მინდა, მადლობა გადავუხადო ყველას, ვინც მირეკავს და შეტყობინებებს მიგზავნის, აინტერესებთ და გულთან მიიტანეს ჩემი ჯანმრთელობის მდგომარეობა. აქვე მინდა ბოდიში მოვუხადო მათ, ვისაც ფიზიკურად ვერ ვპასუხობ – ეს შეუძლებელიცაა დროისა და ჯანმრთელობის ფაქტორის გათვალისწინებით…
რაც შეეხება ჩემს მდგომარეობას, მკურნალობას ვაგრძელებ სახლში. ამ დროისთვის ტემპერატურა 37.5 გრადუსი მაქვს. მაწუხებს ხველა, ყელის და თავის ტკივილი, სისუსტე. მიუხედავად ასეთი დისკომფორტისა და ჩემს თავს არსებული რეალობისა, ვცდილობ, ვიყო მხნედ, მაქსიმალურად ვცდილობ, სახლის პირობებში ვიმკურნალო და ასე ვადევნო თვალი ქვეყანაში მიმდინარე მოვლენებსა თუ ეპიდვითარებას…
რაც შეეხება ჩემს მეუღლეს – ანა თოფურიაც სახლშია და ჩემს გვერდითაა. როგორც ცნობილია, ისიც კოვიდინფიცირებულია, თუმცა ნაკლები სიმპტომებით-37.1 გრადუსი ტემპერატურითა და ყელის ტკივილით. ვინაიდან ინტერესი დიდია ჩემი ჯანმრთელობის მიმართ – პერიოდულად აქ დავწერ ჩემი ჯანმრთელობის შესახებ… იმედია, მალე ყველაფერი გაივლის და ჩვეულ რეჟიმს დავუბრუნდები”, – თენგიზ ცერცვაძის განცხადებას ინფექციური საავადმყოფო ავრცელებს.
