„აშკარად გამოიკვეთა ის, რაც PISA-ს ტესტებით დასტურდებოდა, რომ საქართველოში არის წაკითხულის გააზრების სერიოზული პრობლემა. როდესაც რიგითი ადამიანი ვერ იაზრებს წაკითხულს ან მოსმენილს, ეს შეიძლება კიდევ იყოს ნაკლები პრობლემა, მაგრამ, როდესაც წაკითხულის გააზრება უჭირთ კონკრეტულ საჯარო მოსამსახურეებს ან პედაგოგებს სკოლებში ან უმაღლეს საგანმანათლებლო დაწესებულებებში, ეს, რა თქმა უნდა, კიდევ უფრო დიდი პრობლემაა“, – ასე გამოეხმაურა „ქართული ოცნების“ პრემიერი ირაკლი კობახიძე მთავრობის სხდომაზე, სხვადასხვა საჯარო სამსახურებისა და თუ საგანმანათლებლო დაწესებულებების თანამშრომელთა ნაწილის პროტესტს.
„მინდა, შევთავაზო ყველას, ვისაც გაუჭირდა წაკითხულის ან მოსმენილის გააზრება, ყველასთან ჩვენ მზად ვართ დისკუსიისთვის, აბსოლუტურად ყველასთან ვართ მზად დისკუსიისთვის, თუმცა, აქაც იმედი ნაკლებად შეიძლება გვქონდეს“, – აცხადებს კობახიძე.
