QUIZ| გამოიცანი ევროპულ ჩემპიონატში მოთამაშე ქართველი ფეხბურთელი

ხვიჩა კვარაცხელია მისთვის სადებიუტო სეზონში იტალიის ჩემპიონატის საუკეთესო ფეხბურთელი გახდა. გარდა ამისა, მან „ნაპოლისთან“ ერთად იტალიის Serie A მოიგო და ჩემპიონთა ლიგის საუკეთესო ახალგაზრდა მოთამაშის ჯილდოც დაიმსახურა.

გურამ კაშია ნიდერლანდების „ვიტესში“ 8 წელი გაატარა, აქედან 6 წლის განმავლობაში ის გუნდის კაპიტანი იყო.

ქართული ფეხბურთის ყველაზე ძვირადღირებული ტრანსფერი მიმდინარე წლის ზაფხულში შედგა, როდესაც გიორგი მამარდაშვილი 35 მილიონი ევროს სანაცვლოდ პრემიერლიგის „ლივერპულში“ გადავიდა. საქართველოს ნაკრების მეკარე ახალ კლუბს 2025 წლის ზაფხულში შეუერთდება.

შოთა არველაძის ბოლო მატჩიდან 12 წლის შემდეგ ესპანურ ლალიგაში გიორგი ქოჩორაშვილმა ითამაშა, მან ბილბაოს „ატლეტიკის“ წინააღმდეგ რამდენიმე წუთი გაატარა მოედანზე.

ოთარ კიტეიშვილმა 2023/2024 წლების სეზონში „შტურმთან" ერთად ავსტრიის ბუნდესლიგა მოიგო და ჩემპიონატის საუკეთესო მოთამაშედაც დასახელდა.

გურამ კაშიამ და ჯაბა კანკავამ „სლოვანთან“ ერთად მოიგეს სლოვაკეთის ჩემპიონატი, გიორგი გოჩოლეიშვილმა კი „შახტართან“ ერთად უკრაინის ჩემპიონობა იზეიმა.

Transfermarkt-ის მონაცემების მიხედვით, გიორგი მამარდაშვილი 45 000 000 ევროდაა შეფასებული, ის მსოფლიოში ყველაზე ძვირადღირებული მეკარეა.

საქართველოს ნაკრების თავდამსხმელი, გიორგი მიქაუტაძე 3 გოლით გასული ევროპის ჩემპიონატის თანაბომბარდირი და ოქროს ბუცის მფლობელი გახდა.

ბუდუ ზივზივაძე გერმანიის მეორე ბუნდესლიგის კლუბ „კარლსრუეს“ წევრია.