საქართველოს პრემიერმინისტრი, ირაკლი ღარიბაშვილი 2008 წლის აგვისტოს ომის 14 წლისთავს ეხმიანება და წერს, რომ აფხაზეთი და ცხინვალის რეგიონი 14 წელია რაც ოკუპირებულია.
„14 წელი გავიდა 2008 წლის აგვისტოს ომის დაწყებიდან, რომელმაც ბევრი ჩვენი თანამოქალაქის სიცოცხლე შეიწირა. 14 წელია ჩვენი ქვეყნის გული – სამაჩაბლო, ცხინვალის რეგიონი და აფხაზეთი რუსეთის მიერ არის ოკუპირებული.
ქედს ვიხრი ომში დაღუპული ჩვენი გმირი სამხედროებისა და მშვიდობიანი მოსახლეობის ხსოვნის წინაშე, რომლებიც აგვისტოს ომს ემსხვერპლნენ.
ჩვენ ტერიტორიული მთლიანობის აღდგენისა და ქვეყნის გამთლიანების გზად მშვიდობიანი, გონივრული პოლიტიკა ავირჩიეთ და გვჯერა, აუცილებლად მივაღწევთ მიზანს – საქართველო გაერთიანდება!”- წერს ღარიბაშვილი.
ღარიბაშვილის პოსტს კრიტიკა მოჰყვა.
აფხაზეთის ომი 1992-1993 წლებში მიმდინარეობდა. სოხუმი 1993 წლის 27 სექტემბერს დაეცა – 29 წლის წინ.
ცხინვალში დე ფაქტო მთავრობამ დამოუკიდებლობა 1990 წელს გამოაცხადა, რასაც სამხედრო კონფლიქტი მოჰყვა.
