საქართველოს სტატისტიკის ეროვნული სამსახურის ინფორმაციით, 2020 წელს საქართველოში პენსიისა და სოციალური პაკეტის მიმღებთა რაოდენობამ 958 317 პირი შეადგინა. აქედან, პენსიის (ასაკით პენსია) მიმღები იყო 783 705 პირი, რომელთაგან 71 % ქალია, ხოლო 29% – კაცი.
2020 წლის 1 იანვრის მდგომარეობით, საქართველოში მოსახლეობის საერთო რიცხოვნობამ 3 მლნ 716 ათას 900 შეადგინა.
საქსტატის ცნობით, სოციალური პაკეტის მიმღებ პირთა საერთო რიცხოვნობამ 174 612 შეადგინა, საიდანაც 35.0%-ს ქალები შეადგენენ, ხოლო 65.0% – კაცები.
სოციალური პაკეტის მიმღებთაგან 72.5 % შეზღუდული შესაძლებლობის მქონე პირები წარმოადგენენ, 12.6% – მარჩენალდაკარგული ოჯახის წევრები, 8.9% – ომის მონაწილეები, 5.7% – სახელმწიფო კომპენსაციის მიმღები პირები, ხოლო 0.3% – სხვა სახის სოციალური პაკეტის მიმღები პირები.
სტატისტიკის მიხედვით, 2020 წელს, მიზნობრივი სოციალური პროგრამების მონაცემთა ბაზაში რეგისტრირებული ოჯახების რაოდენობამ 330 943 ერთეული შეადგინა, ხოლო საარსებო შემწეობის მიმღები ოჯახების რაოდენობამ – 146 619.
რეგიონების მიხედვით ყველაზე მეტი რეგისტრირებული ოჯახი თბილისში დაფიქსირდა და 63.1 ათასი შეადგინა, მიმღებთა რაოდენობა კი 32.7 ათასით განისაზღვრა.
