დღეს, 7 მაისს, მოსკოვის კრემლში ვლადიმერ პუტინის ინაუგურაცია გაიმართება. Reuters წერს, რომ ცერემონია ემსახურება „კანონიერების ილუზიის შექმნას იმ პიროვნებისთვის, რომელსაც სიცოცხლის ბოლომდე სურს ძალაუფლების შენარჩუნება, რომელმაც რუსეთის ფედერაცია აგრესორად აქცია, ხოლო მმართველი რეჟიმი – დიქტატურად“.
Reuters-ის ინფორმაციით, კრემლის თქმით, მოსკოვში პუტინის ინაუგურაციაზე დასასწრებად ყველა უცხოელი დიპლომატიური მისიის ხელმძღვანელი მიიწვიეს.
Reuters-ის ცნობით, შეერთებული შტატები და ევროკავშირის წევრი ქვეყნების უმრავლესობა პუტინის ინაუგურაციას ბოიკოტს გამოუცხადებენ და მოსკოვში წარმომადგენლებს არ გააგზავნიან.
წარმომადგენლების გაგზავნაზე ასევე უარი განაცხადეს ბრიტანეთმა და კანადამ.
Reuters-ის ცნობით, ინაუგურაციას საფრანგეთის, უნგრეთისა და სლოვაკეთის წარმომადგენლები დაესწრებიან.
რუსეთში 15-17 მარტს ჩატარებული საპრეზიდენტო არჩევნების ოფიციალური შედეგებით პუტინმა ხმების 87,28% მიიღო.
