შვედეთში მაიმუნის ყვავილის პირველი შემთხვევა დადასტურდა.
მანამდე, დღესვე, 15 აგვისტოს ჯანმრთელობის მსოფლიო ორგანიზაცია აფრიკის გარკვეულ ნაწილში „მაიმუნის ყვავილის” გავრცელება გლობალურ საგანგებო მდგომარეობად გამოაცხადა. WHO ბოლო 2 წლის განმავლობაში ასე უკვე მეორედ მოიქცა.
ამ ვირუსულმა ინფექციამ კონგოს რესპუბლიკაში თავდაპირველი გავრცელების დროს, სულ მცირე, 450 ადამიანი იმსხვერპლა. ამჯერად ის გავრცელდა ცენტრალურ და აღმოსავლეთ აფრიკის ნაწილებშიც, რის საფუძველზეც WHO-მ საგანგებო კომიტეტი მოიწვია.
„მაიმუნის ყვავილი” (Mpox) ვრცელდება ახლო კონტაქტით და ახასიათებს გრიპის მაგვარი სიმპტომები, ასევე, გამონაყარი და შესაძლოა, ფატალურადაც დასრულდეს.
