ისრაელსა და „ჰეზბოლას“ შორის ცეცხლის შეწყვეტის შეთანხმება ოთხშაბათს, ადგილობრივი დროით 04:00 საათიდან ძალაში შევიდა.
ამერიკისა და საფრანგეთის შუამავლობით გაფორმებული შეთანხმება გამოაცხადა აშშ-ის პრეზიდენტმა ჯო ბაიდენმა. „ჰეზბოლას“ და ისრაელს ექნებათ 60 დღე, რათა გაიყვანონ მებრძოლები და ამოიღონ იარაღი რეგიონიდან და ლურჯი ხაზიდან – არაოფიციალური საზღვარი ლიბანსა და ისრაელს შორის – და მდინარე ლიტანი. ეს მდინარე გადის საზღვრიდან ჩრდილოეთით დაახლოებით 30 კილომეტრში.
შეთანხმების მიხედვით, ისრაელი თანდათან გაიყვანს თავის ძალებს ლიბანიდან, როდესაც ირანის მიერ მხარდაჭერილი მებრძოლი ჯგუფი „ჰეზბოლა“ ტოვებს თავის პოზიციებს რეგიონში და უკან იხევს მდინარე ლიტანის ჩრდილოეთით.
ლიბანის არმია გააკონტროლებს ტერიტორიას, რათა „ჰეზბოლამ“ არ აღადგინოს ინფრასტრუქტურა, ქვეყნის საგარეო საქმეთა მინისტრმა განაცხადა, რომ მას შეუძლია განათავსოს მინიმუმ 5000 ჯარისკაცი.
„ეს განკუთვნილია საომარი მოქმედებების მუდმივი შეწყვეტისთვის“, – თქვა ბაიდენმა და დასძინა, რომ ორივე მხარეს სამოქალაქო პირები მალე შეძლებენ უსაფრთხოდ დაბრუნდნენ თავიანთ თემებში.
უთანხმოება არსებობს საკითხზე, ექნება თუ არა ისრაელს „ჰეზბოლაზე“ თავდასხმის უფლება, თუ მიიჩნევს, რომ ბოევიკებმა დაარღვიეს შეთანხმება. ისრაელის პრემიერმა, ბენიამინ ნეთანიაჰუმ თქვა, რომ ეს შეთანხმების ნაწილია, მაგრამ ლიბანისა და „ჰეზბოლას“ ოფიციალური პირები, გავრცელებული ინფორმაციით, სხვაგვარად აცხადებენ.
„თუ ჰეზბოლა დაარღვევს შეთანხმებას და შეეცდება ხელახლა შეიარაღებას, ჩვენ თავს დაესხმებით. ყოველი დარღვევისთვის ჩვენ ძლიერად შევუტევთ“, – თქვა მან.
ბაიდენმა თქვა, რომ ისრაელს აქვს უფლება სწრაფად განაახლოს ოპერაციები, თუ „ჰეზბოლა“ დაარღვევს ზავს.
ისრაელსა და „ჰეზბოლას“ შორის ცეცხლის შეწყვეტის შეთანხმების შემდეგ, სამხრეთ ლიბანიდან დევნილი ხალხი სახლში ბრუნდება. IDF-მა გააფრთხილა მოსახლეობა, რომ ჯერ კიდევ მოერიდონ სამხრეთის მოძრაობას – მაგრამ ბევრი გაემართა სახლებისკენ.
