აჭარაში კორონავირუსი ერთ ოჯახში 5 პირს დაუდასტურდა.
აჭარის ჯანდაცვის მინისტრის მოადგილემ, ნინო ნიჟარაძემ ჟურნალისტებს განუცხადა, რომ ინფიცირების პირველწყარო სატვირთო მანქანის მძღოლია.
„გადმოვიდა ლარსის საზღვრით 2 ივლისს, 3-ში იმყოფებოდა ოჯახში, ვიდრე არ გადაკვეთავდა თურქეთის საზღვარს, როდესაც დაბრუნდა სარფით, 9-ში უკვე ჩვენთან იქნა გამოვლენილი როგორც დადებითი შემთხვევა და გადაიყვანეს ბათუმის რესპუბლიკურ საავადმყოფოში.
რაც შეეხება 5 პირს, მათ შორის 2 არის არასრულწლოვანი, 4 წლის და წლამდე ასაკის ბავშვი, ჯერჯერობით ოჯახის გარეთ კონტაქტებიდან დადასტურებული შემთხვევები არ გავქვს, თუმცა მიმდინარეოს დამატებითი კონტაქტების მოძიება, 14-დღიანი იზოლაციის პერიოდი თითოეულ მათგანზე არის დაწესებული“,- განაცხადა მან.
ამ დროისთვის საქართველოში კორონავირუსის 981 შემთხვევაა დადასტურებული. გამოჯანმრთელდა კიდევ ხუთი პაციენტი – სულ გამოჯანმრთელებულთა რაოდენობა 851-ს შეადგენს.
განახლებული სტატისტიკა ამგვარია:
- გარდაცვლილი – 15
- კარანტინის რეჟიმში – 4851
- სტაციონარში მეთვალყურეობის ქვეშ – 231
- *უცხოეთიდან სამკურნალოდ გადმოყვანილი საქართველოს მოქალაქეები – 31
