კახა კალაძე სასტუმრო „ბუდაპეშტის“ წარმომადგენლის დღევანდელ ბრიფინგს გამოეხმაურა.
ქალაქის მერის თქმით, ვაკის პარკში 9-სართულიანი შენობების აშენება მერიისთვის მიუღებელია და მისივე თქმით, მერიის დღევანდელი პოზიციით, მათთვის მისაღებია ადგილმონაცვლეობა.
„ბრიფინგებით საუბარი სიახლეა და თუ მას [ინვესტორს] სურვილი აქვს, განხორციელდეს ადგილმონაცვლეობა, ჩვენ მზად ვართ. დაგეგმილი გვაქვს ვაკის პარკის რეაბილიტაცია თავისი კასკადით, როცა გვექნება პროექტი და გადავალთ სამუშაოებზე, მერე შეიძლება დავჯდეთ და ვისაუბროთ“, – განაცხადა კახა კალაძემ.
სასტუმრო „ბუდაპეშტის“ წარმომადგენელმა, გოგა ზაქაიძემ დღეს პრესკონფერენცია გამართა და მერიას ახალი წინადადებით მიმართა.
ინვესტორი მერიას ვაკის პარკში სასტუმრო „ბუდაპეშტის“ აშენების ნაცვლად, რესტორან „ბუდაპეშტის“ აღდგენას სთავაზობს.
