შინაგან საქმეთა სამინისტროს ცნობით, თბილისში, აფახაზეთის ავტონომიური რესპუბლიკის უმაღლეს საბჭოსთან აქციაზე 6 პირია დაკავებული ადმინისტრაციულ სამართალდარღვევათა კოდექსის 173-ე და 166-ე მუხლებით.
აფახაზეთის ავტონომიური რესპუბლიკის უმაღლეს საბჭოსთან აქტივისტები აქციას მართავდნენ მოთხოვნით, გაუქმდეს აფხაზეთის ოკუპირებულ ტერიტორიაზე მცხოვრები საქართველოს მოქალაქეებისთვის 5-დღიანი კარანტინი.
აქციის მონაწილეებმა აფხაზეთის ავტონომიური რესპუბლიკის მთავრობის წევრებთან შეხვედრა მოითხოვეს. შენობაში შესვლის მცდელობას სამართალდამცველებსა და აქტივისტებს შორის სიტყვიერი და ფიზიკური დაპირისპირება მოჰყვა.
