დღეს მეჩეთად გადაკეთების შემდეგ პირველად აია სოფიაში პარასკევის ტრადიციული მუსლიმური ლოცვა გაიმართა.
პარასკევის ტრადიციულ ლოცვას ესწრებოდა თურქეთის პრეზიდენტი ერდოღანიც, რომელმაც საერთაშორისო ორგანიზაციებისა და მართლმადიდებელი ეკლესიების წინამძღვართა უკმაყოფილების მიუხედავად, აია სოფიას მეჩეთად გადაკეთების გადაწყვეტილებას 10 ივლისს მოაწერა ხელი. ერდოღანმა პარასკევის ტრადიციულ ლოცვაზე ყურანიდან ნაწყვეტები წაიკითხა.
თურქეთის სახელმწიფო ტელევიზიებმა პირდაპირ ეთერში გადასცეს პარასკევ დღის ლოცვა.
CNN-ის ცნობით, მომლოცველები სტამბოლის გარე დასახლებიდანაც მიდიოდნენ და მთელი ღამე გაათენეს. პანდემიის გამო, მეჩეთში ხუთასმა ადამიანმა შეძლო შესვლა, ხოლო ათასზე მეტი ლოცვას ბაღიდან და სტამბოლის ძველი ქუჩიდან ადევნებდა თვალს, – აცხადებს თურქეთის რელიგიური გაერთიანების დირექტორი ალი ერბასი.
ტაძარში მუსლიმური მსახურების დროს თეთრი ფარდით დაფარეს ქრისტიანული ფრესკები, მათ შორის, ღვთისმშობლის უძველესი ფრესკაც.
Historical day indeed…
Muslims from all over the world gathered to offer prayer at #HagiaSophia
and dont be worried muslims we are together and we removed israel and also all the enemies of our Islam INSHALLAH??#AyasofyaCamii pic.twitter.com/erX8ywaqyu— Anaya Rao? (@anaya766) July 24, 2020
10 ივლისს თურქეთის უმაღლესმა ადმინისტრაციულმა სასამართლომ აია სოფიას საკითხზე იმსჯელა და გააუქმა 1934 წელს მიღებული გადაწყვეტილება, აია სოფიას მუზეუმად გადაკეთების შესახებ.
აია სოფია მეჩეთი იყო 1935 წლამდე, თუმცა მუსტაფა ქემალ ათათურქის ბრძანების საფუძველზე, მას სტატუსი შეუცვალეს და მუზეუმად გადაკეთდა.
