ინფექციური საავადმყოფოს კლინიკური დირექტორის, მარინა ეზუგბაიას განცხადებით, კორონავირუსით ინფიცირების 11 ახალი შემთხვევიდან 2-ის წყარო არის ბოლნისის ცნობილი წყარო, ხოლო დანარჩენი 9 – ერთ დადასტურებულ შემთხვევასთან კონტაქტში მყოფი პირები.
„გრძელდება კიდევ კვლევა, თუ არსებობს კიდევ ამ წყაროში ინფიცირებულები… ისინი იყვნენ ბინაზე იზოლაციაში”, – განაცხადა ეზუგბაიამ.
ეზუგბაიას ცნობით, Covid-ცენტრებში ამ ეტაპზე 145 პაციენტი მკურნალობს.
საქართველოში კორონავირუსით ინფიცირების 11 ახალი შემთხვევა დადასტურდა და 757 გახდა. 24-ით გაზრდილია გამოჯანმრთელებულთა რაოდენობა.
განახლებული მონაცემები ასეთია:
- კორონავირუსის დადასტურებული შემთხვევა – 746
- მათ შორის გამოჯანმრთელებული – 576
- მათ შორის გარდაცვლილი – 12
- კარანტინის რეჟიმში – 2966
- სტაციონარში მეთვალყურეობის ქვეშ – 250
- უცხოეთიდან სამკურნალოდ გადმოყვანილი საქართველოს მოქალაქეები – 3
