ყაზახური მედიის ინფორმაციით, ქალაქ ალმათში სამართალდამცველებმა ქოლცენტრი აღმოაჩინეს და დააკავეს საქართველოს 24 მოქალაქე, რომლებიც იქ მუშაობდნენ.
ყაზახეთის შსს-ს კიბერდანაშაულთან ბრძოლის დეპარტამენტის უფროსის განცხადებით, ქოლცენტრს ინტერნეტთაღლითობისთვის იყენებდნენ.
ყაზახური მედია წერს, რომ სატელეფონო და ონლაინთაღლითობისას დაზარალებულებთან დაკავშირება თითქოსდა ბანკის წარომადგენლების პირით, ქვეყანაში ერთ-ერთი ყველაზე გავრცელებული მეთოდია.
წელს სატელეფონო ოპერატორებმა უცხოეთიდან, სავარაუდოდ, თაღლითური მიზნებით შესული 15 მილიონზე მეტი ზარი დაბლოკეს. ასევე წელს ყაზახეთში სატელეფონო თაღლითობის 400-ზე მეტი შემთხვევა აღრიცხეს. თაღლითები თავს ბანკის თანამშრომლებად ასაღებდნენ.
