„ბრძოლა ბოლომდე”, – ცესკოსთან „ნაციონალური მოძრაობის” ლიდერმა, ნიკა მელიამ აქციის მონაწილეებს მიმართა.
„ჩვენ აქ უნდა ვიყოთ, რათა აქ არავინ აღარ აყალბებდეს, რომ ამ ადამიანს [თამარ ჟვანიას] მოუწიოს სახლში წასვლა და ჩატარდეს ახალი არჩევნები.
ეს ბრძოლა დაიწყო, გრძელდება და დამთავრდება ხალხის გამარჯვებით. ამიტომ აქ ვართ, არავინ არ მივდივართ, ბრძოლა ბოლომდე”, – განაცხადა მელიამ.
პარლამენტიდან აქციის მონაწილეებმა ცესკოსთან გადაინაცვლეს. ისინი 2020 წლის საპარლამენტო არჩევნების შედეგებს აპროტესტებენ.
