ევროპარლამენტარი ანა ფოტიგა აცხადებს, რომ ევროკავშირი საქართველოს კარს ვერ დაუხურავს, მიუხედავად მმართველი პარტიის მიერ ბოლო დროს გადადგმული შემაშფოთებელი ნაბიჯებისა.
როგორც ფოტიგა წერს, გაფართოების პოლიტიკა რჩება ძირითად ინსტრუმენტად ევროპაში სტაბილურობისა და კეთილდღეობის მისაღწევად.
„გაფართოების პოლიტიკა რჩება ძირითად ინსტრუმენტად ევროპის სტაბილურობისა და კეთილდღეობის მისაღწევად. ეს არის სტრატეგიული გეოპოლიტიკური გადაწყვეტილება და ჩვენ არ გვაქვს უფლება გავიმეოროთ შეცდომები და დავტოვოთ ჩვენი პარტნიორები ნაცრისფერ ზონებში.
დიდი ყურადღებით ვაკვირდები დასავლეთ ბალკანეთსა და თურქეთში არსებულ ვითარებას. მე ვაფასებ უკრაინისა და მოლდოვას მიერ მიღწეულ პროგრესს, მიუხედავად უჩვეულო გარემოებებისა და პირობებისა.
ჩვენ არ შეგვიძლია დავუხუროთ ევროკავშირის კარი საქართველოს, როდესაც ვაფასებთ მის წინსვლას ევროკავშირის გზაზე, მიუხედავად იმისა, რომ მმართველი პარტიის მიერ ბოლო დროს გადადგმული ნაბიჯები შემაშფოთებელია“, – წერს ანა ფოტიგა.
Enlargement policy remains a key tool to achieve Europe’s stability and prosperity. It is a strategic geopolitical decision, and we cannot afford to repeat mistakes, leaving our partners in gray zones. I hope that the #2023EnlargementPackage will take into account this imperative…
— Anna Fotyga (@AnnaFotyga_PE) November 7, 2023
ევროკომისიის შეფასება საქართველოს მიერ 12 რეკომენდაციის შესრულების შესახებ ხვალ, 8 ნოემბერს გამოქვეყნდება. საქართველოსთვის ევროკავშირის წევრობის კანდიდატის სტატუსის მინიჭების შესახებ საბოლოო გადაწყვეტილებას დეკემბერში ევროპული საბჭო მიიღებს.
