დილით პარლამენტის შენობასთან მისული უმრავლესობის დეპუტატები რევაზ არველაძე და მერაბ ქვარაია უკან გაბრუნდნენ. „მონა, მონა“, – ამ შეძახილებითა და სასტვენებით დახვდნენ აქციის მონაწილეები პარლამენტის წევრებს.
პარლამენტში შესვლა ასევე ვერ მოახერხა „პატრიოტთა ალიანსის“ წევრმა გია ჟორჟოლიანმა.
როგორც გუშინ გამართულ აქციაზე ორგანიზატორებმა და პოლიტიკური პარტიის წარმომადგენლებმა განაცხადეს, მათი მიზანია, დღეს „პარლამენტმა მუშაობა ვერ შეძლოს“.
პარლამენტის ვებგვერდზე გამოქვეყნებული ანონსის მიხედვით, ხვალ საკანონმდებლო ორგანოში 12 საათზე ჩანიშნულია რეგიონული პოლიტიკისა და თვითმმართველობის კომიტეტის სხდომა, ხოლო 15 საათზე კი ბიუროს სხდომა.
