ძმის მეუღლის განსაკუთრებული სისასტიკით მკვლელობაში ბრალდებულს 20 წელი მიესაჯა

პუბლიკა

პროკურატურის ცნობით, ძმის მეუღლის განსაკუთრებული სისასტიკით მკვლელობის ბრალდებით პირს 20 წლით თავისუფლების აღკვეთა მიესაჯა.

„სასამართლოზე გამოკვლეული მტკიცებულებებით დადასტურდა, რომ 2019 წლის 5 სექტემბერს, ქ.თბილისში, ზღვისუბნის დასახლებაში ი.ა.-მ ძმის მეუღლეს გ.პ.-ს განზრახ მოკვლის მიზნით, განსაკუთრებული სისასტიკით, მრავლობითი ჭრილობები მიაყენა, რის შედეგადაც გ.პ. შემთხვევის ადგილზე გარდაიცვალა. აღნიშნულის შემდეგ ი.ა.-მ გარდაცვლილის საცხოვრებელ სახლში ცეცხლი წაუკიდა ავეჯს და სხვადასხვა ნივთებს, რამაც 8 710 ლარის მატერიალური ზიანი გამოიწვია”, – აცხადებს პროკურატურა.