CNews-ის რედაქტორი, ელისო კილაძე ამბობს, რომ დღეს, 6 მარტს მისი მისამართით სანადირო თოფიდან ისროლეს.
კილაძის თქმით, თბილისში მეგობართან ერთად მანქანიდან გადმოვიდა და ყაზბეგის გამზირზე ჩაუხვია.
„ერთი ადამიანი ამოგვიდგა გვერდით, რომელმაც მერე გზა გადაჭრა, ძალიან გამომცდელად გვათვალიერებდა. დაახლოებით 5 წუთში შევედი სილამაზის სალონში, რა დროსაც გაისმა გამაფრთხილებელი გასროლა. მასრა დავარდა ჩემი მეგობრის ფეხებთან. გამოვიძახეთ პოლიცია“. – თქვა ელისო კილაძემ.
შსს-მ გამოძიება სისხლის სამართლის კოდექსის 236-ე მუხლით დაიწყო, რაც ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს.
