ინფექციური საავადმყოფოს სამედიცინო დირექტორის, მარინა ეზუგბაიას თქმით, ამ ეტაპზე კოვიდცენტრებში მხოლოდ 144 პაციენტი მკურნალობს.
„გამოჯანმრთელებულების რაოდენობა თითქმის სამნახევარჯერ უსწრებს ამჟამად მკურნალობაზე მყოფ პაციენტებს და მათი პროცენტული მაჩვენებელი უკვე 80-ზე მეტია.
ეს ერთი ახალი შემთხვევა არის არსებული წყარო, საბურთალოს წყარო. დადასტურებულ შემთხვევასთან კონტაქტით გამოვლენილია ახალი პაციენტი. ჩვენი ცენტრის მონაცემები უცვლელია. გვყავს 57 დადასტურებული შემთხვევა, მძიმე პაციენტები არ გვყავს, უმეტესობა საშუალო სიმძიმისაა”, – განაცხადა მარინა ეზუგბაიამ.
STOPCOV.GE-ზე 4 ივნისის დილის მონაცემებით, კორონავირუსით ინფიცირებულთა რიცხვი საქართველოში ერთით გაიზარდა და საერთო ჯამმა 801 შეადგინა. გამოჯანმრთელდა კიდევ 4 ადამიანი და მათი რიცხვი 644-ია. მათ შორის გარდაცვლილია 13 ადამიანი.
