ფილიშვილმა კუპრაძე, ვაშაძე და სხვა აქტივისტები 173-ე მუხლის დამრღვევებად ცნო

პუბლიკა

რამდენიმე წუთის წინ დასრულდა პროცესი თბილისის საქალაქო სასამართლოში, მოსამართლე ვალერიანე ფილიშვილმა 6 აქტივისტის შესახებ გადაწყვეტილება გამოაცხადა. მისი გადაწყვეტლებით ყველა აქტივისტი 173-ე მუხლის დამრღვევებად ცნო. ეს მუხლი პოლიციის მოთხოვნისადმი დაუმორჩილებლობას ეხება. ჯარიმების ოდენობა ასეთია:

ირაკლი კუპრაძე – 1500 ლარი

გიორგი ვაშაძე – 2000 ლარი

გიორგი ბუნტური – 2500 ლარი

ზურაბ კოსტავა – 1500 ლარი

ირაკლი ჯუღელი – 1500 ლარი

ნოდარ ბრეგაძე – სიტყვიერი შენიშვნა

შეგახსენებთ, რომ 12 დეკემბერს, პოლიციამ პარლამენტის პიკეტის მონაწილე 16 პირი დააკავა, პოლიცია მათ 166-ე და 173-ე მუხლის დარღვევას ედავებოდა. 166-ე მუხლი ხულიგნობას გულისხმობს, მოსამართლე ფილიშვილმა ამ მუხლის დამრღვევად არცერთი დაკავებული არ ცნო.

დაკავებულთაგან 12-ის საქმე მოსამართლე ვალერიან ფილიშვილს დაეწერა. ამავე მოსამართლემ განიხილა ნოემბრებში აქციის დაშლისას დაკავებული პირების საქმეები.

LB image desktop LB image mobile