გაეროს ატომური ენერგიის საერთაშორისო სააგენტოს (IAEA) გენერალური დირექტორი, რაფაელ მარიანო გროსი ამბობს, რომ დღეს კიევში ჩადის და მნიშვნელოვან შეხვედრებს გამართავს.
„მივდივართ კიევში მნიშვნელოვანი შეხვედრებისთვის. ბირთვული უსაფრთხოებისა და ზაპორიჟიიის ატომური ელექტროსადგურის გარშემო უსაფრთხო ზონის საჭიროება ახლა ისე სასწრაფოა, როგორც არასდროს“, – წერს Twitter-ზე გროსი.
On our way to Kyiv for important meetings. The need for a Nuclear Safety and Security Protection Zone (NSSPZ) around #Zaporizhzhya Nuclear Power Plant is now more urgent than ever. pic.twitter.com/XFetpJ65ai
— Rafael MarianoGrossi (@rafaelmgrossi) October 5, 2022
ზაპორიჟიის ოლქის ანექსიის გამოცხადების შემდეგ რუსეთის პრეზიდენტმა ვლადიმერ პუტინმა ატომური ელექტროსადგურის რუსეთის ენერგოსისტემაში გადართვის განკარგულება გამოსცა.
უკრაინული მედიის ინფორმაციით, რუსეთისთვის მუშაობა მოსთხოვეს სადგურზე მომუშავე პერსონალსაც, წინააღმდეგ შემთხვევაში კი ფრონტზე გაგზავნით დაემუქრნენ. სადგური კვლავ შეფერხებებით მუშაობს, რამდენიმე დღის წინ კი შენობას საარტილერიო ჭურვები კიდევ ერთხელ მოხვდა.
IAEA-ის გენერალური დირექტორი კიევის შემდეგ მოსკოვშიც ჩავა. შეხვედრებზე განხილვის ერთ-ერთი მთავარი თემა ატომური ელექტროსადგურის გარშემო უსაფრთხო ზონის შექმნა იქნება.
