გერმანიის კანცლერის, ოლაფ შოლცის განცხადებით, გერმანია მხარს უჭერს უკრაინისა და მოლდოვის რესპუბლიკისთვის ევროკავშირის წევრობის კანდიდატის სტატუსის მინიჭებას.
„გერმანია მხარს უჭერს უკრაინის სასარგებლოდ პოზიტიურ გადაწყვეტილებას. ეს ასევე ეხება მოლდოვის რესპუბლიკასაც“, – განაცხადა შოლცმა კიევში გამართულ პრესსკონფერენციაზე და დასძინა, რომ „უკრაინა ევროპული ოჯახის წევრია“.
მანამდე კანდიდატის სტატუსის შესახებ საფრანგეთის პრეზიდენტმაც ისაუბრა. POLITICO-ს ცნობით, ემანუელ მაკრონმა მოლდოვაში ვიზიტისას განაცხადა, რომ მას სურს ევროკავშირმა „მკაფიო და პოზიტიური სიგნალი“ გაუგზავნოს უკრაინასა და მოლდოვას მომავალ კვირაში გადაწყვეტილების მიღებამდე – მიენიჭოთ თუ არა ევროკავშირის კანდიდატის სტატუსი.
გამოცემის ცნობით, მაკრონმა განაცხადა, რომ საქართველო „გეოპოლიტიკურად განსხვავებულ ადგილზეა“. მისივე თქმით, უკრაინისა და მოლდოვისთვის ევროკავშირის კანდიდატის სტატუსის მინიჭება განსაკუთრებული ნაბიჯი იქნებოდა.
