სომხეთის პრემიერის, ნიკოლ ფაშინიანის განცხადებით, ქვეყანაში ახალი კორონავირუსული ინფექციით ინფიცირების მორიგი ანტირეკორდი დამყარდა. ბოლო მონაცემებით Covid 19-ით ინფიცირების 697 ახალი შემთხვევა დაფიქსირდა.
„ეპიდემიური სიტუაცია გაუარესდა ქვეყანაში. არიან ინფიცირებული ადამიანები, რომლებსაც ჰოსპიტალიზაცია ესაჭიროებათ, თუმცა მათი ჰოსპიტალიზაცია არ შეგვიძლია“, – განაცხადა ნიკოლ ფაშინიანმა.
ნიკოლ ფაშინიანის თქმით, ყველა უნდა მოიქცეს ისე, როგორც პოტენციური ინფიცირებული, რადგან ქვეყანაში დაახლოებით 20 000 ინფიცირებული ადამიანია, რომლებმაც არ იციან, რომ ინფიცირებულნი არიან.
4 ივნისის 11 საათის მონაცემებით, სომხეთში Covid 19-ით ინფიცირების 11 221 ახალი შემთხვევაა დადასტურებული, მათგან 3 468 განიკურნა, ხოლო 176 გარდაიცავალა.
რამდენიმე დღის წინ სომხეთის პრემიერმა, ნიკოლ ფაშინიანმა განცხადა, რომ მას და მის ოჯახის წევრებს ახალი კორონავირუსული ინფექცია დაუდასტურდათ.
სომხეთში კორონავირუსული ინფექციის პირველი შემთხვევა 1 მარტს დაფიქსირდა.
