ირაკლი ღარიბაშვილი ბორის ჯონსონს შეხვდა

პუბლიკა

საქართველოსა მთავრობის ადმინისტრაცია ავრცელებს ინფორმაციას, რომ პრემიერ-მინისტრი ირაკლი ღარიბაშვილი დიდი ბრიტანეთის პრემიერს ბორის ჯონსონს შეხვდა.

მათივე ცნობით, შეხვედრის განსახილველი საკითხი იყო ორ ბრიტანეთსა და საქართველოს შორის არსებული სტრატეგიული პარტნიორობა და მჭიდრო მეგობრული ურთიერთობები.

„პრემიერ-მინისტრმა ირაკლი ღარიბაშვილმა გაერთიანებული სამეფოს პრემიერ-მინისტრს საქართველოს სუვერენიტეტის, ტერიტორიული მთლიანობისა და ევროატლანტიკური ინტეგრაციის გზაზე ურყევი მხარდაჭერისთვის მადლობა გადაუხადა და იმედი გამოთქვა, რომ პარტნიორობა კიდევ უფრო გაღრმავდება დემოკრატიზაციისა და რეფორმების კვალდაკვალ.

შეხვედრისას ყურადღება გამახვილდა ორ ქვეყანას შორის სხვადასხვა მიმართულებით არსებულ მჭიდრო თანამშრომლობაზე და აღინიშნა, რომ სტრატეგიული დიალოგის ფორმატმა და არაერთი მიმართულებით თანამშრომლობამ ორ ქვეყანას შორის არსებული ურთიერთობები ახალ ეტაპზე გადაიყვანა”- ნათქვამია გავრცელებულ ინფორმაციაში.

ასევე მთავრობის ადმინისტრაციაში ამბობენ, რომ ირაკლი ღარიბაშვილმა ბორის ჯონსონი მისთვის ხელსაყრელ დროს საქართველოში მიიწვია.

მადრიდში NATO-ს 2022 წლის სამიტი დაიწყო. ალიანსის წევრი ქვეყნების ლიდერები და NATO-ს პარტნიორები ესპანეთის დედაქალაქში 28 ივნისს შეიკრიბნენ. 29-30 ივნისს კი სამიტის ძირითადი ნაწილი წარიმართება.

LB loan image desktop LB loan image mobile