ირაკლი ღარიბაშვილი საზოგადოებას „ერეკლეობას“ ულოცავს

პუბლიკა

საქართველოს პრემიერ-მინისტრი ირაკლი ღარიბაშვილი საზოგადოებას „ერეკლეობას“ ულოცავს. ინფორმაციას ამის შესახებ მთავრობის ადმინისტრაცია ავრცელებს.

„გილოცავთ ერეკლეობას! პატარა კახი, როგორც სიყვარულით შეარქვა ხალხმა, სიცოცხლეშივე იქცა ლეგენდად. დიდი ილიას სიტყვებით, იგი ნახევარ საუკუნეზე მეტი ხმალამოღებული პატრონობდა სამშობლოს. განუწყვეტელი ომების მიუხედავად, ერეკლე II-მ საფუძველი ჩაუყარა ქვეყნის მოდერნიზაციისაკენ მიმართულ მასშტაბურ რეფორმებს სახელმწიფოებრიობის, მრეწველობის, განათლების, კულტურის განვითარებისათვის,” – წერს ირაკლი ღარიბაშვილი.

ის ამბობს, რომ ერეკლე მეფე თავის თავში განასახიერებდა ქართველის ყველა საუკეთესო თვისებას.

„ღვაწლმოსილი მეფე თავის თავში განასახიერებდა ქართველის ყველა საუკეთესო თვისებას – სიბრძნეს, სიმამაცეს, სამშობლოსადმი თავდადებას… მისი გმირული ცხოვრება მისაბაძი მაგალითია თითოეული ჩვენგანისათვის და მჯერა, ასეთად დარჩება ყველა მომავალი თაობისათვის”, – ნათქვამია პრემიერის განცხადებაში.

LB loan image desktop LB loan image mobile