IRI-ის კვლევის მიხედვით, ეკლესიის მიმართ გამოკითხულთა 85% კეთილგანწყობილია, რაც 4%-ით ნაკლებია მაისი-ივნისის კვლევის შედეგებთან შედარებით. წინა მონაცემებით, ეკლესია პირველ ადგილს იკავებდა, ახალი მონაცემების მიხედვით კი, 86%-ით ჯარი ლიდერობს. კვლევა პეტრე ცაავას სინოდიდან გარიცხვამდე ჩატარდა.
პარლამენტი რეიტინგში მე-8 ადგილზეა – გამოკითხულთა 61% საკანონმდებლო ორგანოს მიმართ არ არის კეთილგანწყობილი. კვლევის მიხედვით, სასამართლო ბოლოდან მეორე, ხოლო პრეზიდენტის ოფისი – ბოლოდან მესამე ადგილს იკავებს.
IRI-ს კვლევა 18 ნოემბერს გამოქვეყნდა. მონაცემები შეგროვდა 11 სექტემბრიდან 14 ოქტომბრის ჩათვლით. რესპონდენტებთან ჩატარდა პირისპირ ინტერვიუ. კვლევისთვის შეირჩა 1 500 საქართველოში მცხოვრები სრულწლოვანი ადამიანები. ცდომილების ზღვარი +/- 2.5%; საველე სამუშაოები ჩაატარა Institute of Polling & Marketing-მა. კვლევა დააფინანსა USAID-მა.
