ხელისუფლებაში რომ ვიყოთ, 5 წელში საქართველოს რეგიონის ამომავალ ვარსკვლავად გავხდიდი - ხაზარაძე

პუბლიკა

„ჩვენ რომ ხელისუფლებაში ვიყოთ, დაახლოებით 5 წელიწადში საქართველოს არა მარტო რეგიონის, არამედ აი ამ ნახევარსფეროს ამომავალ ვარსკვლავად გავხდიდი“,- ამის შესახებ „ლელოს“ ლიდერი მამუკა ხაზარაძე სოციალურ ქსელში გავრცელებულ ვიდოემიმართვაში ამბობს.

„ამას მთელი პასუხისმგებლობით ვამბობ. საქართველო იქნება ადგილი და დარწმუნებული ვარ, ეს ასე მოხდება, სადაც ჩვენს ემიგრანტებს სასწრაფოდ დაბრუნებისა და ამ პროცესში მონაწილეობის მიღების სურვილი გაუჩნდებათ. იმიტომ, რომ მე სწორედ ამ ადამიანებში ვხედავ დიდ ენერგიასა და პოტენციალს.

საქართველო იქნება ადგილი, სადაც ინოვაცია, ტექნოლოგიები თავმოყრილი იქნება და ყველა ნიჭიერი ადამიანი, როგორც ჩვენი მოქალაქე, ასევე უცხოელი, მსგავსი პროექტების განსახორციელებლად აქ ჩამოვა. ეს ეხება IT სფეროსა და სხვადასხვა ინოვაციურ, ტექნოლოგიურ მიმართულებას. საქართველო ნამდვილი კვანძი გახდება მისიით, რადგან, პირველ რიგში მისია უნდა დავიბრუნოთ და ქვეყნის ეს მისია და ფუნქცია უნდა იყოს, რომ საქართველოს გარეშე სამეზობლოსა და რეგიონში არაფერი მნიშვნელოვანი არ უნდა ხდებოდეს“, – აცხადებს ხაზარაძე.

LB loan image desktop LB loan image mobile