საქართველოში კორონავირუსით ინფიცირების რაოდენობა დღეს კიდევ 6-ით გაიზარდა. ამ დილით 9 ახალი შემთხვევის შესახებ იყო ცნობილი და დღის განმავლობაში ექვი დაემატა. მონაცემები რამდენიმე წუთის წინ განახლდა ოფიციალურ ვებგვერდზე.
რესპუბლიკური კლინიკის დირექტორმა, ლევან გოფოძემ „პირველ არხს“ განუცხადა, რომ 6 ახალი დადებითი პასუხი მათი კლინიკიდან გაგზავნილი პაციენტების ტესტებიდან მიიღეს.
ლევან გოფოძის თქმით, სამ დღეში მათთან კოვიდინფიცირებულთა რაოდენობა სამიდან 17-მდე გაიზარდა. მისივე თქმით, კლინიკას ყოველდღიურად სულ უფრო მეტი ადამიანი მიმართავს.
განახლებული მონაცემები ასეთია:
– კორონავირუსის დადასტურებული შემთხვევა – 843
– მათ შორის გამოჯანმრთელებული – 697
– მათ შორის გარდაცვლილი – 13
– კარანტინის რეჟიმში – 3026
– სტაციონარში მეთვალყურეობის ქვეშ – 297
– უცხოეთიდან სამკურნალოდ გადმოყვანილი საქართველოს მოქალაქეები – 3
