„საირმე მინერალ ვოთერსის” თანამშრომლები გაიფიცნენ ღირსეული სამუშაო პირობებისა და სამართლიანი ანაზღაურების მოთხოვნით, – ინფორმაციას ამის შესახებ მრეწველობის პროფკავშირი „ლაბორ“ ავრცელებს.
მათი თქმით, გაფიცვა უვადოა და მანამდე გაგრძელდება, სანამ მათი მოთხოვნები არ დაკმაყოფილდება.
„მოგახსენებთ, რომ მედიციის პროცესმა უშედეგოდ ჩაირა. დასაქმებულები მოითხოვენ:
- ხელფასის 30%-იან ზრდას;
- საქსტატის მონაცემების შესაბამისად ხელფასების ყოველწლიურ ინდექსაციას;
- საპენსიო გადასახადის დამსაქმებლის მიერ დაფარვას;
- ღირსეულ და უსაფრთხო შრომით პირობებს;
- აპროტესტებენ ქარხანაში არსებულ ანტისანიტარიას და ითხოვენ მის მოწესრიგებას;
- დამსაქმებლის მხრიდან შანტაჟისა და მუქარის აკრძალვას;
- კოლექტიურ შეთანხმებას;
- მენეჯმენტის ბრალეულობის გამო ქარხნის სრულფასოვან ფუნქციონირებას;
- დამფუძნებლებთან შეხვედრას, რადგან მიაჩნიათ, რომ ადგილობრივი მენეჯმენტი განზრახ აზიანებს და აკოტრებს ქარხანას;
- კომპანია ცდილობს, დასაქმებულების ერთმანეთთან დაპირისპირებას, მათ შორის, ჩვენს ხელთ არსებული ინფორმაციით, უცხო ქვეყნის მოქალაქეებით ჩანაცვლებას“, – წერია პროფკავშირის განცხადებაში.
