საქართველოში კორონავირუსით ინფიცირების კიდევ 2 ახალი შემთხვევა დადასტურდა, გამოჯანმრთელდა 4 ადამიანი. ინფორმაცია ამის შესახებ ოფიციალურ ვებგვერდზე stopcov.ge განახლდა.
ინფექციური სავადმყოფოს სამედიცინო დირექტორის, მარინა ეზუგბაიას თქმით, ახალი დადასტურებული 2 შემთხვევის დაინფიცირების წყარო და კლასტერები ცნობილია და ორივე მათგანი დაავადებულ პირებთან კონტაქტებია.
განახლებული მონაცემები ასეთია:
– კორონავირუსის დადასტურებული შემთხვევა – 919;
– აქედან გამოჯანმრთელდა – 780;
– გარდაიცვალა – 14;
– კარანტინის რეჟიმში – 2687;
– სტაციონარში მეთვალყურეობის ქვეშ – 260;
– უცხოეთიდან სამკურნალოდ გადმოყვანილი საქართველოს მოქალაქე – 3.
