კორონავირუსით ინფიცირების 5 ახალი შემთხვევა გამოვლინდა და 3 გამოჯანმრთელდა

საქართველოში კორონავირუსით ინფიცირების 5 ახალი შემთხვევა დადასტურდა და 3 გამოჯანმრთელდა. ინფორმაცია ამის შესახებ ოფიციალურ ვებგვერდზე stopcov.ge-ზე განახლდა.

ინფექციური სავადმყოფოს სამედიცინო დირექტორის მარინა ეზუგბაიას თქმით, 5 ახალი შემთხვევიდან 4 იმპორტირებულია, ხოლო 1 საკარნტინო სივრცეში დადასტურებული.

განახლებული მონაცემები ასეთია:

• კორონავირუსის დადასტურებული შემთხვევა – 968;
• მათ შორის გამოჯანმრთელებული – 844; 
• მათ შორის გარდაცვლილი – 15;
• კარანტინის რეჟიმში – 4425;
• სტაციონარში მეთვალყურეობის ქვეშ – 222;
• უცხოეთიდან სამკურნალოდ გადმოყვანილი საქართველოს მოქალაქეები – 3;