კორონავირუსით შემოსავლების სამსახურის მებაჟე-ოფიცერი დაინფიცირდა - შემოსავლების სამსახური

პუბლიკა

კორონავირუსით შემოსავლების სამსახურის მებაჟე-ოფიცერია ინფიცირებული, ამის შესახებ ინფორმაციას თავად უწყება ავრცელებს.

„ფინანსთა სამინისტროს შემოსავლების სამსახური გაცნობებთ, რომ ამ ეტაპზე, ახალი კორონავირუსით ინფიცირებული მებაჟე-ოფიცრის ჯანმრთელობის მდგომარეობა დამაკმაყოფილებელია.

დადასტურებული შემთხვევიდან გამომდინარე, მამაკაცის ინფიცირების წყარო, მისი ნათესავი იყო, რომელსაც კორონავირუსი 13 აპრილს დაუდასტურდა.

აღნიშნულ ინფიცირებულ პიროვნებასთან მებაჟე-ოფიცერს ბოლო კონტაქტი 9 აპრილს ჰქონდა.

ამასთან გაცნობებთ, რომ მიმდინარე წლის 8 აპრილიდან საბაჟო დეპარტამენტის მებაჟე-ოფიცერი იმყოფებოდა შვებულებაში, შესაბამისად, მას კონტაქტი სხვა თანამშრომლებთან არ ჰქონია”, – ნათქვამია უწყების განცხადებაში.

საქართველოში კორონავირუსის გავრცელების სურათი  ასეთია:

  • კორონავირუსის დადასტურებული შემთხვევა – 385;
  • აქედან, გამოჯანმრთელებული – 84;
  • გარდაცვლილი – 3;
  • კარანტინის რეჟიმში – 5053;
  • სტაციონარში მეთვალყურეობის ქვეშ – 527;
  • *უცხოეთიდან სამკურნალოდ გადმოყვანილი საქართველოს მოქალაქეები – 3.