„ლეიბორისტულმა პარტიამ“ თბილისის მაჟორიტარობის კანდიდატები დაასახელა

„ლეიბორისტულმა პარტიამ“  პარტიის ლიდერმა შალვა ნათელაშვილმა ადგილობრივი თვითმმართველობის არჩევნებზე თბილისის საკრებულოს სიის ათეული წარადგინა.

„წარმოგიდგენთ „ლეიბორისტული პარტიის“ დამრტყმელ ათეულს თბილისის რაიონებში მაჟორიტარი დეპუტატების კანდიდატების შეთავსებით“, — განაცხადა ნათელაშვილმა.

პარტიის კანდიდატები არიან:

• ტარიელ კალანდარიშვილი – გლდანის მაჟორიტარობის კანდიდატი;
• მარიამ გოჩელაშვილი – თბილისის ვიცე-მერობისა და სამგორის მაჟორიტარობის კანიდატი;
• მამუკა ჯუღელი – ვიცემერობისა და კრწანისის მაჟორიტარობის კანდიდატი;
• დავით გილაძე – ნაძალადევი;
• თეკლა ალანია – სამგორი;
• გიორგი დვალაშვილი – მთაწმინდა;
• ია სირანაშვილი – საბურთალო;
• მარიამ გურგენიძე – ჩუღურეთი;
• ქეთევან გაზდელიანი – ვაკე;
• ვლადიმერ მარყიაშვილი – დიდუბე.

„ლეიბორისტული პარტიის“ თბილისის მერობის კანდიდატი მიხეილ ქუმსიშვილია, თბილისის საკრებულოს პროპორციული სიის პირველი ნომერი კი ლაშა ჩხარტიშვილია.