მარნეულში საცხოვრებელი კორპუსის აივანი ჩამოინგრა. როგორც რადიო „მარნეული“ წერს, არსებული ინფორმაციით, მეხუთე სართულის აივანი ჩამოიშალა, რასაც ასევე მოჰყვა მეოთხე სართულის აივნის ნგრევა.
გავრცელებული ინფორმაციით, ჩამონგრევის შედეგად 2 ადამიანი დაიღუპა.
როგორც „პუბლიკას“ შინაგან საქმეთა სამინისტროში განუცხადეს, ფაქტზე დაწყებულია გამოძიება სისხლის სამართლის კოდექსის 240-ე მუხლით, რაც სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.
