გენერალურმა პროკურატურამ, „მედიაომბუდსმენის“ მოთხოვნის საფუძველზე, კვალიფიკაცია დააზუსტა 7-9 მარტის აქციების დაშლის საქმეზე, რომლის დროსაც ჟურნალისტები და ოპერატორები დაზარალდნენ.
ეს იმას ნიშნავს, რომ, თუ აქამდე გამოძიება მხოლოდ შსს-ს თანამშრომლების მხრიდან სამსახურებრივი უფლებამოსილების შესაძლო გადამეტების ფაქტებზე მიმდინარეობდა (სსკ-ის 333-ე მუხლის მე-3 ნაწილის ,,ბ” ქვეპუნქტით), ახლა გამოძიება ჟურნალისტებისათვის პროფესიულ საქმიანობაში უკანონოდ ხელის შეშლის მუხლითაც გაგრძელდება (154-ე მუხლის პირველი ნაწილი).
რუსული კანონის საწინააღმდეგო აქციებზე დაზარალებული ჟურნალისტების ინტერესებს „მედიაომბუდსმენი“ იცავს. მედიის 21 წარმომადგენელი სპცეიალურ საგამოძიებო სამსახურში უკვე გამოიკითხა და 8 მათგანს სავარაუდო მსხვერპლის სტატუსი მიენიჭა, მათ შორის, „პუბლიკის“ ორ ჟურნალისტს – ალექსანდრე ქეშელაშვილსა და ბასტი მგალობლიშვილს.
2-9 მარტის აქციებზე მედიის 21 დაზარალებულ წარმომადგენელს შორის არიან:
- თამარ გეგიძე – On.ge, რედაქტორი
- ვახტანგ ქარელი – „ფორმულა”, ფოტორეპორტიორი
- მიხეილ გვაძაბია – „ნეტგაზეთი”, ჟურნალისტი
- ალექსანდრე ქეშელაშვილი – „პუბლიკა’, ჟურნალისტი
- ბასტი მგალობლიშვილი – „პუბლიკა”, ჟურნალისტი
- რატი მუჯირი – „ფორმულა”, ჟურნალისტი
- გურამ მაისურაძე – „მთავარი არხი”, ჟურნალისტი
- მაია თეთრაშვილი – „ფორმულა”, ჟურნალისტი
- ნიკოლოზ კოკაია – „ფორმულა”, ოპერატორი
- გიორგი კვიჟინაძე – „ფორმულა”, ჟურნალისტი
- ნიკა საჯაია – „ფორმულა”, ჟურნალისტი
- ნიკოლოზ კოკაია – „ტელეკომპანია პირველი“, ოპერატორი
- მარი წაქაძე – „ფორმულა”, ჟურნალისტი
- ირაკლი ბახტაძე – „მთავარი არხი”, ჟურნალისტი
- დავით მანია – „ფორმულა”, ოპერატორი
- სალომე ჩადუნელი – „ფორმულა”, ჟურნალისტი
- ჯამლეთ ბაკურიძე – „ფორმულა”, ოპერატორი
- ლუკა ლავრელაშვილი – „მთავარი არხი”, ოპერატორი
- დეა მამისეიშვილი – „მთავარი არხი”, ჟურნალისტი
- ზურაბ ჩხვირკია – „მთავარი არხი”, ოპერატორი
- გიორგი ჯაფარიძე – „ფორმულა”, ოპერატორი
