„ნაციონალური მოძრაობის” ფრაქციის თავმჯდომარე ხატია დეკანოიძე პარლამენტის საგანგებო სხდომის ჩანიშვნას მოითხოვს. ამის შესახებ ის facebook-ზე წერს.
„საქართველოს პრეზიდენტს მივმართავ! ჩაინიშნოს პარლამენტის საგანგებო სხდომა!”, – წერს ის.
ამ მოთხოვნის შესახებ წერს ასევე „ლელოს” წევრი სალომე სამადაშვილი.
„პარლამენტის საგანგებო სხდომა უნდა შეიკრიბის დღესვე. მინისტრთა კაბინეტის სრული შემადგენლობის მონაწილეობით”, – წერს ის.
რუსეთი დღეს, 24 თებერვალს, დილით, უკრაინაში შეიჭრა. ვლადიმერ პუტინმა ოფიციალურად გამოაცხადა სამხედრო ოპერაციის დაწყება. იბომბება უკრაინული ქალაქები. უკრაინას უტევენ სახმელეთო ჯარებიც.
