მოსამართლემ გიორგი ქადაგიძე დარბაზიდან გაათავისუფლა - პროცესი გადაიდო

პუბლიკა

მოსამართლე ნინო ენუქიძემ სანაპიროზე, საპროტესტო მსვლელობისას ადმინისტრაციული წესით დაკავებული ეროვნული ბანკის ყოფილი პრეზიდენტი, გიორგი ქადაგიძე სასამართლო დარბაზიდან გაათავისუფლა.

„ინტერპრესნიუსის“ ცნობით, მოსამართლემ დააკმაყოფილა ადვოკატების შუამდგომლობა პროცესის გადადებასთან დაკავშირებით.

სხდომა საქმეზე 7 თებერვალს, 14:00 საათზე ჩაინიშნა.

ადვოკატებმა მოსამართლეს პროცესის გადადების შუამდგომლობით სხდომის დაწყებისას მიმართეს, მათი თქმით, საქმის მასალების გაცნობისთვის დრო სჭირდებათ.