პარტია „ნაციონალური მოძრაობის” თავმჯდომარის არჩევნები 28-29 იანვარს გაიმართება, – ამის შესახებ მედიასთან პოლიტსაბჭოს თავმჯდომარე კობა ნაყოფიამ განაცხადა.
მისი ცნობით, კენჭისყრა ე.წ. ბლოკჩეინ-სისტემით ჩატარდება.
„კანდიდატთა რეგისტრაცია შეწყდება სამშაბათს, საღამოს 18:00 საათზე. ჩამოყალიბდა საარჩევნო კომისიის შემადგენლობა, რომელიც 5 პოლიტსაბჭოს წევრისგან შედგება, თითო კომისიის წევრის დანიშვნის შესაძლებლობა ექნება თითოეულ კანდიდატს“, – განაცხადა ნაყოფიამ.
შიდა საარჩევნო საკითხებთან ერთად პარტიის წევრებმა მიხეილ სააკაშვილის საქმესთან დაკავშირებითაც იმსჯელეს, თუ როგორი უნდა იყოს სასამართლოს გადაწყვეტილებაზე პარტიის საპასუხო ქმედებები.
