სოციალურ ქსელში 7 მარტს ვირუსულად გავრცელდა ვიდეო, რომელზეც ჩანს პოლონეთის „მედიკის” სასაზღვრო-გამშვები პუნქტის გასასვლელისკენ მიმავალი უკრაინელი ბიჭი, რომელიც მარტოა, ტირის და ხელში თავისი ნივთები უჭირავს.
სოციალურ ქსელებში წერენ, რომ 5 წლის ვალერი უკრაინის ომის სიმბოლო გახდა. მსოფლიომ ნახა, როგორ გახდა იძულებული მშვიდობიანი მოსახლეობა, დატოვოს უკრაინა და იძულებით გადაადგილდნენ სხვა ქვეყნებში. ვიდეო ტოვებდა შთაბეჭდილებას, რომ პატარა ბიჭმა საზღვრამდე გზა მარტომ გაიარა.
#StopFakeNews
Informujemy,że wbrew niestety rozpowszechnianym w mediach informacjom,4-letni Walerij z🇺🇦nie przekroczył granicy sam,był razem ze swoją rodziną. Na przejściu granicznym #PSGMedyka dostał od funkcjonariuszy słodkie upominki.
On i jego rodzina są bezpieczni w Polsce🇵🇱 pic.twitter.com/7vkq6LBU2n— Straż Graniczna (@Straz_Graniczna) March 8, 2022
გუშინ პოლონეთის სასაზღვრო სამსახურმა განცხადება გაავრცელა, რომ ბიჭს, რომელიც გავრცელებულ ვიდეოში ტირის, უკრაინა-პოლონეთის საზღვარი მარტოს არ გადაულახავს – ის ოჯახთან ერთად იმყოფებოდა.
„მედიაში გავრცელებული ინფორმაციის საწინააღმდეგოდ გაცნობებთ, რომ 5 წლის ვალერის საზღვარი მარტო არ გადმოუკვეთავს. ის ოჯახთან ერთად იმყოფებოდა. „მედიკას” სასაზღვრო-გამშვებ პუნქტზე მან ოფიცრებისგან ტკბილეული მიიღო. ის ოჯახთან ერთად პოლონეთში უსაფრთხოდ იმყოფება. შეწყდეს ყალბი ამბების გავრცელება“, – წერს პოლონეთის სასაზღვრო სამსახური Twitter-ზე.
