ქობულეთში უკრაინის მხარდამჭერი აქცია-მსვლელობა იმართება

პუბლიკა

ქობულეთში ადგილობრივები უკრაინის სოლიდარობის აქცია-მსვლელობას მართავენ. ისინი, ქობულეთის ქუჩებში უკრაინის სახელმწიფო დროშებითა და მხარდამჭერი ბანერებით გადაადგილდებიან.

გარდა უკრაინის სოლიდარობისა, აქციის მონაწილეები მსვლელობით აპროტესტებენ პრორუსული და ძალადობრივი პლატფორმა „ალტ-ინფოს“ პარტიის „კონსერვატიული მოძრაობის“ ოფისის გახსნას ქობულეთში. აქციის მონაწილეები შეჩერდნენ „ალტ-ინფოს“ პარტიის ოფისთან, სადაც უკრაინის ჰიმნი შეასრულეს.

აქციას თბილისიდან ჩასული სამოქალაქო აქტივისტები და მოქალაქეებიც შეუერთდნენ. ისინი დღეს 8 აგვისტოს მემორიალთანაც მივიდნენ, სადაც უკრაინაში დაღუპულ კიდევ ერთ ქართველ მებრძოლს პატივი მიაგეს.

ქობულეთში დღევანდელი აქცია მას შემდეგ დაიგეგმა, რაც ცნობილი გახდა, რომ 22 მარტის აქციაზე შეხლა-შემოხლისას დაკავებული „ალტ-ინფოს“ პარტიის 12 წარმომადგენელი გაათავისუფლეს.


უკრაინის დროშებითა და შეძახილებით – „არა რუსეთს“ ქობულეთში აქცია-მსვლელობა 22 მარტს გაიმართა. აქციის მონაწილეებმა „ალტ-ინფოს“ პარტიის ოფისთანაც გაიარეს, რასაც მოგვიანებით ფიზიკური დაპირისპირებაც მოჰყვა. გარდა უკრაინის სოლიდარობისა, აქციის მონაწილეები ქობულეთში პროპუტინისტური პარტიის გახსნას აპროტესტებდნენ.

 

LB loan image desktop LB loan image mobile