რადიო „ათინათი“: ზუგდიდში არასრულწლოვანი დაჭრეს, ის კლინიკაში მიყვანამდე გარდაიცვალა

პუბლიკა

რადიო ათინათის ცნობით, ზუგდიდში, მესხიას ქუჩაზე მდებარე მინისტადიონზე არასრულწლოვანი, სავარაუდოდ, ცივი იარაღით დაჭრეს. ადგილობრივების ინფორმაციით, ინციდენტი თანატოლებს შორის ურთიერთშელაპარაკებას მოყვა. მათივე თქმით, ჩხუბში რამდენიმე ადამიანი მონაწილეობდა.

მოზარდი ზუგდიდის რეფერალურ ჰოსპიტალში გადაიყვანეს, თუმცა ის კლინიკაში მიყვანამდე გარდაიცვალა.

“პუბლიკა” ინფორმაციის გადასამოწმებლად შინაგან საქმეთა სამინისტროს დაუკავშირდა. დამატებით ინფორმაციას მიღებისთანავე შემოგთავაზებთ.