უკრაინის ხელისუფლების ცნობით, რუსეთმა უკრაინულ ქალაქებზე კიდევ ერთი სარაკეტო იერიში მიიტანა. უკრაინის საჰაერო თავდაცვამ რაკეტების უმრავლესობის ჩამოყრა შეძლო, მაგრამ რამდენიმე მათგანი მაინც მოხვდა სამოქალაქო ობიექტებს.
უკრაინის ცენტრალურ ნაწილში, კრივი-რიჰში რაკეტები საწყობსა და საცხოვრებელ კორპუსს მოხვდა, რის შედეგადაც მინიმუმ 6 ადამიანი დაიღუპა, 25 კი დაშავდა. აფეთქებებს მოჰყვა ნგრევა. უკრაინის ხელისუფლების განცხადებით, ნანგრევებში შესაძლოა, კიდევ იყვნენ დარჩენილი მოქალაქეები.
„სამწუხაროდ, უკვე 6 დაღუპულია. სამაშველო ოპერაცია გრძელდება“, – წერს კრივი-რიჰის სამხედრო ადმინისტრაციის ხელმძღვანელი ოლექსანდრ ვილკული Telegram-ზე.
უკრაინის პრეზიდენტმა სამოქალაქო ობიექტებზე რუსეთის მორიგი თავდასხმა დაგმო და დაღუპულთა ოჯახებს სამძიმარი გამოუცხადა.
