„რადიო თავისუფალი ევროპის/რადიო თავისუფლების“ (RFE/RL) ჟურნალისტი ბრიუსელიდან, რიკარდ იოზვიაკი Twitter-ის გვერდზე წერს, რომ ევროკომისია მივიდა სავარაუდო შეთანხმებამდე: უკრაინა და მოლდოვა მიიღებენ კანდიდატის სტატუსს და პირობებს, რომლებიც უნდა შესრულდეს; საქართველო ჯერ მიიღებს პირობებს და შემდეგ შანსს, მიიღოს კანდიდატის სტატუსი. ამას ევროპის საბჭო შემდეგ კვირას განიხილავს.
the European Commission has come to a tentative agreement: candidate status for #Ukraine & #Moldova now, followed by conditions to be complied with. For #Georgia conditions now and chance to get candidate status after. to be discussed by leaders at #EUCO next week
— Rikard Jozwiak (@RikardJozwiak) June 16, 2022
დღეს, 17 ივნისს ევროკომისია საქართველოს, უკრაინის და მოლდოვის ევროკავშირის წევრობის განაცხადის შეფასებას გამოაქვეყნებს.
კანდიდატის სტატუსზე საბოლოო გადაწყვეტილებას ევროპული საბჭო მიიღებს, 23-24 ივნისის სამიტზე.
ევროპული საბჭო 27 ქვეყნის მეთაურებისგან, საბჭოს პრეზიდენტისგან და ევროკომისიის პრეზიდენტისგან შედგება.
