„საქართველო უკრაინასთან ერთად იზიარებს ამ გადამწყვეტ, უძილო ღამეს. მთელი მსოფლიო აღფრთოვანებულია პრეზიდენტ ზელენსკის, მისი გუნდის, მისი ჯარისკაცებისა და მთელი ერის მამაცობისა და თავდადების გაკვეთილით“, – წერს სოციალურ ქსელში საქართველოს პრეზიდენტი სალომე ზურაბიშვილი.
პრეზიდენტი ასევე აზიარებს რუსთაველის გამზირზე გამართული მრავალრიცხოვანი აქციის ფოტოს წარწერით „საქართველო უკრაინასთანაა“.
Georgia??with?? pic.twitter.com/7ijUeMgJCM
— Salome Zourabichvili (@Zourabichvili_S) February 25, 2022
საქართველოს პრემიერ-მინისტრის დღევანდელი განცხადებების შემდეგ, რომ „მთავრობამ მიიღო გადაწყვეტილება, არ შეუერთდეს რუსეთის წინააღმდეგ ფინანსურ და ეკონომიკურ სანქციებს“, „უკრაინაში ჩასვლა – ჩასვლისთვის არაფრის მომცემი არ არის“ და „მე მაქვს ჩემი საქმე, პარლამენტს თავისი საქმე აქვს, ომი უკრაინაში მიმდინარეობს“, თბილისში რამდენიმე აქცია დაიგეგმა.
რუსთაველის გამზირზე მრავალრიცხოვანი აქცია რამდენიმე საათის განმავლობაში მიმდინარეობდა.
