საქართველოს ხელისუფლება უკრაინას დამოუკიდებლობის დღეს ულოცავს

პუბლიკა

საქართველოს სახელისუფლებო შტოების ლიდერები უკრაინას დამოუკიდებლობის დღეს ულოცავენ.

სოციალურ ქსელში მიმართვა გაავრცელა საქართველოს პრეზიდენტმა სალომე ზურაბიშვილმა:

„უკრაინელმა ხალხმა მსოფლიოს აჩვენა ღირსეული ბრძოლა დამოუკიდებლობისა და თავისუფლებისთვის.

საქართველო და უკრაინა არიან ახლობელი, მოძმე ერი ერთნაირი ბრძოლით.  ჩვენ ვიცით დამოუკიდებლობის ფასი. და ჩვენ მუდამ ერთად ვიდგებით“, – წერს პრეზიდენტი.

დამოუკიდებლობის დღის მიმართვას ავრცელებს პრემიერი ღარიბაშვილიც:

„დამოუკიდებლობის დღეს ვულოცავ უკრაინას! ომის ამ მძიმე პერიოდში უკრაინას და უკრაინელ ხალხს ვუსურვებთ მშვიდობას და კეთილდღეობას!“,- წერს პრემიერ-მინისტრი სოციალურ ქსელ „ტვიტერში“.

„ვულოცავ უკრაინელ ხალხს დამოუკიდებლობის დღეს. თქვენი სამაგალითო ბრძოლა თავისუფლებისთვის ხაზს უსვამს დამოუკიდებლობის მნიშვნელობას.

უკრაინელ ხალხს ვუსურვებთ სიმამაცეს და ძალას, რომ დაიცვან სამშობლო და თავიანთი მომავალი“, – დაწერა პარლამენტის თავმჯდომარემ, შალვა პაპუაშვილმა.