საქართველოს ხელისუფლების მხრიდან აშშ-ის ხელისუფლებაზე არასოდეს არ ყოფილა თავდასხმა – თალაკვაძე

პუბლიკა

მმართველი პარტიის წევრი არჩილ თალაკვაძე ამბობს, რომ მათი მხრიდან ამერიკის შეერთებული შტატების ხელისუფლების ან მისი რომელიმე ოფიციალური წარმომადგენლის მიმართ არასოდეს არანაირი თავდასხმა არ ყოფილა.

„ხაზგასმით უნდა ითქვას, რომ აშშ-ის ხელისუფლებაზე ან მის რომელიმე წარმომადგენელზე საქართველოს ხელისუფლების რომელიმე ოფიციალური წარმომადგენლის მხრიდან არასოდეს არანაირი თავდასხმა არ ყოფილა და ასეთი რამ გამორიცხულია მომავალშიც.

აშშ არის საქართველოს ნომერ პირველი სტრატეგიული პარტნიორი. ჩვენ გვაქვს ათწლეულების განმავლობაში ძალიან მჭიდრო თანამშრომლობა, ურთიერთობები და ეს ჩვენთვის ძალიან ფასეულია. თუ ჩვენ თავდასხმები ვნახეთ, ეს იყო რადიკალური ოპოზიციის მხრიდან და ამას არაერთი შეფასება მოჰყვა“, – ამბობს თალაკვაძე.