19 ივნისს განახლებული ინფორმაციით, საქართველოში კორონავირუსით ინფიცირების 10 შემთხვევა გამოვლინდა და ინფიცირებულთა საერთო რაოდენობა 1028-მდე გაიზარდა. ინფორმაცია stopcov.ge-ზე გამოქვეყნდა. გამოჯანმრთელებულთა რაოდენობა კი 4-ით გაიზარდა და ჯამში 899-ია.
დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, 10 ახალი შემთხვევიდან 6 ინფიცირებულებთან კონტაქტში მყოფი პირია, 4 – სატვირთო ავტომანქანის მძღოლი.
„გუშინ დადასტურებული რვა შემთხვევიდან ორი პირის ინფიცირების პირველწყაროს მოსაძიებლად კი ეპიდკვლევა გრძელდება“, – აცხადებს გამყრელიძე.
Stopcov.ge-ის მონაცემებით, უცხოეთიდან სამკურნალოდ გადმოყვანილია საქართველოს 41 მოქალაქე. კორონავირუსის შედეგად ქვეყანაში 15 პაციენტი გარდაიცვალა. კარანტინის რეჟიმში 5687 მოქალაქე იმყოფება, სტაციონარში მეთვალყურეობის ქვეშ კი – 232.
