ევროპარლამენტარი და ლიეტუვის ყოფილი პრემიერ-მინისტრი, ანდრიუს კუბილიუსი „მთავარი არხის“ ერთ-ერთი მეწილის გიორგი რურუასთვის 4 წლით თავისუფლების აღკვეთას ეხმაურება და აღნიშნავს, რომ „სასამართლის პოლიტიზება გრძელდება“.
„აშშ-ის სახელმწიფო მდივანმა, მაიკ პომპეომ გაგაფრთხილათ სასამართლოსა და საარჩევნო პროცესის პოლიტიზაციის თავიდან ასარიდებლად, მაგრამ სასამართლოს პოლიტიზაცია გრძელდება: ოპოზიციური ტელეარხის მეწილეს, გიორგი რურუას, პატიმრობა მიუსაჯეს. გადადგამს თუ არა პრეზიდენტი ნაბიჯს და დაიცავს 8 მარტის შეთანხმების სულისკვეთებას?“, — დაწერა მან „ტვიტერზე“.
@SecPompeo cautioned agst. politicization of judicial and electoral processes. But politicization of justice continues: G.Rurua, investor into opposition TV channel, was sentenced today. Will Georgian President step in & defend the spirit of 8/3 Agreement?https://t.co/W97PGq9LSH
— Andrius Kubilius (@KubiliusA) July 30, 2020
გუშინ „მთავარი არხის” ერთ-ერთი მეწილე გიორგი რურუა სასამართლომ წარდგენილ ბრალდებაში დამნაშავედ ცნო და 4 წლით თავისუფლების აღკვეთა მიუსაჯა.
გიორგი რურუა ცეცხლსასროლი იარაღის მართლსაწინააღმდეგო შეძენა-შენახვა-ტარების ბრალდებით 2019 წლის 18 ნოემბერს დააკავეს.
რურუა ბრალს არ აღიარებს და ამბობს, რომ, პოლიტიკური დევნის საფუძველზე, მას იარაღი ჩაუდეს.
